Desert Cat Search
قطه الصحراء

Thursday, July 10, 2014

مدونتى العزيزة وحشتينى

مش مصدقة انى انا اللى غبت كل المدة دى على بنتى حبيبتى ايوا ماهى المدونة دى انا بعتبرها بنتى ... كام شهر غياب خدنى السفر والاستقرار فى الخارج وبعدين الشغل وبعدين بدات اجمع نفسى من جديد وتأقلم مع حياتى الجديدة وكان لازم ارجع تانى لبنتى حبيبتى نحكى ونتكلم ونفضفض سوا .. فات احداث اد ايه مش عارفة ... ايه اللى حصل برضه كل اللى بعرفه عن مصر من خلال الانترنت والاصدقاء المقربين . لكن اكيد هيجى يوم تانى وارجع لوطنى واعرف كل حاجه عن قرب ما فى مشكلة .. ورمضااااان كريم

Saturday, February 22, 2014

مصطفى النجار .. اتلهى

:
" مايحدث الآن تشويه لثورة 25 يناير ... هل ترضون العودة لزمن الخوف .؟ هل يرضى المصري ان يجد لنفسه تسجيلا له مع زوجته في عرفة النوم ؟ "
_______________________________________
أنت كذاب يا درش و منافق ... فمع أختلافنا لكل نظام مبارك لم نسمع من قبل تسجيلا لأحد ( أي أحد ) مع زوجته في غرفة نومه ...ماحصلش ... لكننا سمعنا مكالمات ل ( عملاء ) يتحدثون عن سرقة ملفات أمن الدولة و قاموا بدور ( القوادين ) بإخفاء ملف علاقات نسائية لابن القرضاوي ... يا لهههههههوي يا كبييييير .... مصطفي : نصيحة مني أتلهي علي عينك و أسكت ... خلاص أنتم كروت و اتحرقت

Thursday, February 20, 2014

حادث سانت كاترين وجهة نظر

اولا: ما معنى ان يتوجه شباب و فتيات ليس بينهم صلة قرابة و لا زواج الى منطقة خلوية فوق الجبل بمفردهم؟
ثانيا: ما الغموض وراء اصرارهم على الصعود لاعلى جبل سانت كاثرين فى الشتاء فى درجة حرارة تحت الصفر بمفردهم و بدون اخبار احد و بدون الاستعانة بمرشد؟
ثالثا: ما الذى يضمن انهم لم يتحركوا بتلك السرية للقيام بمصيبة او كارثة او ربما للتربص لقتل او تفجير اى فوج سياحى يزور سانت كاثرين؟
رابعا: تلك التصرفات المريبة ما الذى يضمن انهم لم يتوجهوا للتجسس او التصوير لمنشئات عسكرية او لرصد الافواج السياحية من مكان عالى او لتسلم شحنات مخدرات او اى انشطة غير مشروعة؟
خامسا: ما هى انتمائاتهم السياسية؟ و هل لهم صلة بحركة 6 ابريل او الاشتراكيين الثوريين او الاخوان او منظمات التمويل؟
سادسا: ما المانع ان يكونوا قد قتلوا زملائهم لاى سبب ثم ادعوا انهم ضلوا الطريق؟ مطلوب فحص الجثث لئلا يكون تم قتلهم فعلا
سابعا: ما المانع ان يكون الهدف هو استدراج رجال الشرطة و طائرات الجيش بتلك الحجة لاصطيادها عبر الارهابيين؟
الموضوع مريب جدا و نرجو البحث فيه جيدا و استجواب الناجين

Thursday, February 13, 2014

بسم الحب

بسم الحب وبسم كل احساس جميل بين كل عاشقين 
بسم اول كلمة حب قولتها وعشتها وبسم اول لمسة حسيتها معاك حبيت فى اليوم ده اقولك انا 
بعشقك
بحاول اكتب لك واعبر لك لكن اكيد احساسى واصلك 
عارف انك بتكون جنبى وبشتاق لك 
عارف انك اول ما بتقولى خلاص الوقت عدى ولازم امشى قبل ما تتحرك من جنبى بافتقدك 

عارف انى بيك نسيت الدنيا كلها لانك بقيت انت الدنيا بالنسبة لى 
عارف احساسى بالوحدة وانت بعيد عنى هو اللى خلانى اعترف لك بأنى بحبك 
كتير بتمنى لو يكون عندى جناحين علشان اقدر اطير واوصل لك فى اى مكان انت فيه 
عايزة دايما عينى تكون شايفاك 
مش عايزة اعيش غير معاك وجواك حتى لو للحظات 

عارف احساس لما يظهر لك فى وسط الضلمة حب يخطفك من بين كل الناس حتى من نفسك ؟ يعرفك يعنى ايه راجل بيحب حبيبته ومالية عنيه مش شايف غير ها وراضى وسعيد بيها ؟!!
طيب عارف لما واحد ميبقاش ناقصه حاجه وشايفك انت كل حاجه ويسيب اى حاجه علشان يسمع صوتك ويطمن عليك  او يشوفك ان شا الله نص ساعه وانت وبس اللى فى حياته ؟!
طيب عارف لما حد مينفعش ينيمك زعلان مهما عملت ومهما حصل بينكم .. بتبقى خايف لزعلك منه يزعله لانه مش يستاهل منك كدا ؟! عارف الحنية دى والدفا ده ؟! 
عارف مش هقولك بحبك لان الكلمة كل اتنين حبوا بعض بيقولوها
لكن انا عايزة اقولك كلام خاص
بلغة مش يفهمها إلا انت


 



Wednesday, February 5, 2014

عن شبكة التجسس الاسرائيلية

Salah Higazy

ليه يا حلوين ياشطار كتمت قناة المخابرات الأسرائليه فى قطر اى قناة الخنزيره على ما يتعلق بشبكة التجسس الأسرائليه ؟ صح ياشطار لأنها لا يمكن تمس الصهيونيه بكلمه !!!! قال محمود سعد الدين، الكاتب الصحفى: إن اعترافات جواسيس شبكة “عوفاديا ” الإسرائيلية للتجسس على الجيش المصرى تضمنت الكثير من المفاجآت، موضحاً أن الجاسوس اعترف أن والد زوجته جنده وسلمه لضابط إسرائيلى يدعى ” عوفاديا” الشهير بالاسم الحركى “أبو كرم”، وأرسل أول معلومات عن الجيش فى سيناء عام 2009.
وأكد “سعد الدين” خلال لقائه مع الإعلامية دعاء جاد الحق، فى برنامج “آخر النهار” عبر فضائية “النهار” مساء اليوم، الثلاثاء، أن التحقيقات كشفت عن أن الجهاديين بسيناء يتلقون الأمول من إسرائيل، مشيراً إلى أن “أحمد المنيعى” هو وسيط نقل الأموال من الجانب الإسرائيلى إلى العناصر العاملين بسيناء.
وتابع، أن أحد الجواسيس المصريين لصالح إسرائيل كان يتقاضى 5000 دولار نظير معلومات عن الجيش المصرى كل مرة، موضحاً أنه كان يتلقى هذه الأمول عن طريق الجهادية السلفى “المنيعى”، مضيفاً أن الضابط الإسرائيلى المسئول عنه هو ديفيد يعقوب الملقب بـ “ابو منير” الذى جند “المنيعى”.
يذكر أن المنيعى شارك فى اقتحام قسم شرطة العرش ثان، وهو على صلة وثيقة به “شادى المنيعى” أخطر العناصر الإرهابية بسيناء وأحد قيادات جماعة أنصار بيت المقدس، ويعد المنيعى هو المسئول عن أعمال الاغتيالات بمدينة العريش.
وأضاف “سعد الدين” أن المخابرات المصرية أوقعت شبكة تجسس للضباط المخابرات الإسرائيلية الحربية العسكرية على الجيش المصرى، مضيفاً أن أعضاء الشبكة الإسرائيلية بمصر كانوا متمركزين بسيناء ومتهم بها 3 مصريين وكانوا يعملون منذ2006.
وأوضح، أن الجانب الإسرائيلى دعا الجواسيس المصريين لزيارة إسرائيل أكثر من مرتين عام 2010و2012،موضحاً أن إسرائيل سمحت للجواسيس بالتسلل إليها عبر دليل حدودى يدعى” أبو عبدلله

Wednesday, January 8, 2014

للاستفسار عن !!!!

اغبى كائن على وجه الأرض حالياً هو اللى يطلع يقولك : و مادام الجيش و المخابرات كانوا عارفين انهم خونة و مسجلين لهم من ايام ما كانوا بيتدربوا على الخيانة على ايد امريكا و اليهود .. سابوهم كل ده ليه و ماقالولناش من الاول ليه ؟؟؟؟
ده على أساس ان اللواء عمر سليمان "رئيس جهاز المخابرات" لما خرج على الشعب بأكمله و قالكم "اجندات خارجية و اجندات داخلية" و اتريقتوا عليه بسخافتكم و تفاهتكم ... كان ساعتها بيتكلم بصفته مدير مراجيح مولد النبى مثلاً !!!! ؟؟؟؟؟؟؟؟؟؟
اكبر قامة فى المخابرات خرجت قالتلكم الحقيقة من اول يوم و فى المقابل شوية أنجاس زى وائل غنيم و 6 ابريل اتخذوا من كلامه مادة للسخرية ... انت بقى عملت ايه ؟؟
* لو كنت صدقت اللواء عمر سليمان يبقى اكيد فاهم من اول يوم اننا فى حرب دامية و ان كل خطوة بحساب و ان فيه ضغوط و تهديدات على البلد فوق تخيل البشر ... اكيد شوفت العراق و سوريا و ليبيا و اللى حصلهم و فاهم ان اى تهور او عنترية مننا هتوصلنا لنفس المصير و هو المطلوب اصلا .. اننا نتهور و نتخذ خطوات فى غير وقتها الصحيح .. اكيد فاهم ثمن فرض القوة ضد تحالف عالمى اقوى منك عسكريا الف مرة هيكون ايه..و اكيد فاهم ان البديل هو اللعب معاهم بعقلية الدهاء بتاعة السادات اللى انتظر 6 سنين على العبور و اتخذ قرار بوقف النار فى اللحظة المناسبة لما اتدخلت امريكا عسكريا و كمل الحرب مناورات سياسية .
* و لو انت من اللى مصدقش اللواء عمر سليمان وقتها و صدقت نشطاء الغبرة يبقى تخرس خااالص و تتلهى على خيبتك القوية.
* و لو انت كنت تايه و مش فاهم و مش عارف تصدق اى جانب , و لو لسة تايه و مش فاهم يبقى الصراحة مفيش منك امل انك تفهم و خليك نايم احسن.
على فكرة سنة 2002 حصل نفس الشئ فى فنزويلا مع هوجو شافيز ... بس الفرق ان الشعب الفنزويلى صدق أجهزته الأمنية و اتحرك ضد الخونة و انتصر على المؤامرة و أفشلها ... هو ده الفرق, ان شعب فنزويلا ماضحاش بوطنه على اعتبار (ما نجرب يمكن يكونوا كويسين) ... شعب فنزويلا عمل الثورة المضادة فى لحظتها و طرد الخونة عملاء امريكا فى لحظتها ... ماتريقوش على أجندات خارجية و قالوا (هههى اجندات ولا كشاكيل زى خيبتكم ) و بعدين خدوا على دماغهم زى حضراتكم.... و بإعترافات "جون بريكنز" عميل الــCIA قال (من حسن حظ شافيز ان الشعب الفنزويلى كان أذكى من المؤامرة و حافظ على وطنه)
اخرس و اتفرج على خيبتك لان لسة كتيييير قوى هيخليك تتكسف على دمك لو كان عندك دم من الاساس
منقول

Monday, December 23, 2013

إنك تبقي بنت في مصر يعنى





رائد / شريف المغربى

إنك تبقي بنت في مصر يعنى:

- جسمك مش ملكك لوحدك، لكن ملك كل الناس اللي بتعدي من جنبهم وانتي ماشية في أي حتة في البلد، وعشان كده لازم تحترمي حقهم في جسمك وتعملي حسابهم معاكي وانتي بتلبسي، عشان لو لبسك مش عاجب الناس اللي في الشارع من حقهم ينتقدوكي يتريقوا عليكي يلمسوكي يتفوا عليكي يرموا عليكي طوب أو مياه نار أو يزنقوا عليكي بالعربية أو الموتوسيكل بسرعة ويضحكوا لأن خوفك مضحك بالنسبة لهم ولو اتخبطتي يبقى نصيبك وهما هيكملوا ضحك عادي، لأن احنا مجتمع محافظ واحنا ناس متربيين
- لازم تسمعي يوميًا كلام من نوعية "مزة" "وَحش" "أسد" "بطل" "بطة" وتاخديها على انها مجاملة ومتضايقيش

- لازم تسمعي الوصف الدقيق للي الشخص اللي معدي جنبك نفسه يعمله فيكي

- لما تشتري أي حاجة أو تسألي أي حد على حاجة طبيعي يبص على صدرك وبعدين يرد عليكي

- طبيعي في الميكروباص/التاكسي المراية تبقى متركزة عليكي والسواق يبص عليكي أكتر ما يبص ع الطريق
- يبقى أقصى طموحك إنك تركبي المترو/الميني باص/الميكروباص وتنزلي سليمة

- تتعاكسي "بكل الطرق الممكنة" بمعدل من عشرة لعشرين مرة في الشارع الواحد
- تسكتي على كل ده لكذا سبب؛

أولًا لأن لما واحد يتحرش بيكي وتقوليله "يا....... " بيرد عليكي بمنتهى البساطة يقولك "..... " عشان طبعًا هو معملش حاجة غلط ومش منطقي انك تردي عليه وتشتميه!

ثانيًا لأنه كمان ممكن يفهم شتيمتك ليه تجاوب معاه!

ثالثًا إنك هتواجهيه لوحدك لأن محدش هيقف معاكي وغالبًا الستات هتهزقك قبل الرجالة!

رابعًا لأنك عمرك ما هتقدري تشتميهم ولا تتخانقي معاهم كلهم لأنك كده هتنزلي الشارع عشان تتخانقي بس ومش هتلاقي وقت تعملي أي حاجة تانية ولا تروحي مشاويرك اللي انتي أصلًا نازلة عشانها!

- يحصلّك كل ده وتتشتمي وتتبهدلي برده عشان انتي السبب في كل اللي بيحصلك ده! السبب مش المتحرش ولا الدولة ولا القانون -أو انعدامه يعني- ولا المجتمع، لا انتي السبب!

- يحصلك كل ده طول حياتك كل يوم والمفروض تفضل عندك طاقة تروحي وتيجي وتدرسي وتشتغلي وتحبي وتتجوزي وتنجحي وتفيدي نفسك ومجتمعك..المفروض تفضل عندك طاقة تعيشي! والمفروض يحصلك كل ده وتقدري تتعاملي مع الناس كلها عادي ومتكبريش الموضوع ومتنعزليش ولا تبطلي تنزلي من بيتك وتعيشي حياتك بطبيعية جدًا!

- الشعب المصري يعمل ثورات يغير حكام يغير برلمانات يغير دساتير بس الحاجة الوحيدة اللي عمرها ما بتتغير هي احترامه لنفسه وتمسكه بتعاليم دينه واحترامه ليكي ولجسمك ولرغباتك ولأحلامك ولحقوقك ولخصوصيتك ولإنسانيتك!

عمومًا مهما أي راجل حاول يحط نفسه مكان بنت في مصر يوم واحد بس عمره ما هيقدر يتخيل اللي البنت بتمرّ بيه وبالتالي مبيصدقش اللى بيحصل أو بيتخيل إن اللي بقوله مبالغه والحقيقه إنى معرفتش اقول حتى ربع اللي بيحصل

Saturday, November 16, 2013

حرارة المناضل اوى خالص

سؤال الثورجي المحترم أحمد حراره وارجو ان يجيب عليه من يدافع عن موقفه وهتافه لاسقاط النظام وشتيمه السيسى وكأن ما سيفعله سياتى بحق الشهداء :
- هو حضرتك كنت فين طوال عام كامل خلال حكم الديكتاتور الدموي مرسي ؟!!!!
كنت فين أيام مجزرة الاتحادية ؟!
كنت فين أيام مجزرة المقطم ؟!!
كنت فين أيام مجازر سيدي جابر والمنصورة وبورسعيد ؟!!!
كنت فين أيام مجازر رفح والعريش ؟!!!
كنت فين والإخوان عمالين يقتلوا في الناس طوال عام كامل ويقفلوا الصحف والقنوات الفضائية ويسرقوا من المال العام عيني عينك ؟!!!
اشمعنى متكلمتش من مايو 2012 إلا دلوقتي ؟!!!!!
-----------------------------------------------------
عشان لما نقول في ناس بتحركهم بطريق غير مباشر وعن بعد ما تستغربوش .. وبرضه كله بالوطنيه وحق الشهداء ..